རྒྱལ་སྤྱིའི་བོད་དོན་ལས་འགུལ་ཁང་།

རོ་ཝལ་བོད་ཆེད་ཐེབས་རྩའི་ ༢༠༡༤།༡༥ ལོའི་མ་དངུལ་གསལ་བསྒྲགས།

རོ་ཝལ་བོད་ཀྱི་ཐེབས་རྩས་སྤྱི་ལོ་ ༢༠༡༤།༡༥ ལོའི་སྤྱི་ཟླ་ ༩ པའི་ཚེས་ ༡ ནས་ཚེས་ ༣༠ བར་དུ་སྐབས་བཅུ་པའི་མ་དངུལ་སྙན་ཞུ་ངོས་ལེན་བྱེད་རྒྱུ་ཡིན། མ་དངུལ་སྙན་ཞུ་དྲ་རྒྱ་ཐོག་ཏུ་བཀོད་ཡོད།

དེར་སྙན་ཞུ་འབུལ་མཁན་ཚོས་ང་ཚོའི་དྲ་ཚིགས་ལ་ཕེབས་གཟིགས་གནང་རོགས། རོ་ཝལ་བོད་ཆེད་ཐེབས་རྩའི་དམིགས་དོན་གཙོ་བོ་ནི་བོད་པའི་སྤྱི་ཚོགས་ནང་དང་ཡང་ན་རྒྱལ་སྤྱིའི་སྟེང་ལ་བོད་ཀྱི་སྒྱུ་རྩལ། བོད་དོན་དྲིལ་བསྒྲགས། ཁོར་ཡུག་སྲུང་སྐྱོབ། བུད་མེད་ཀྱི་ཐོབ་ཐང་སོགས་ཀྱི་སྐོར་ལ་བྱས་རྗེས་འབུར་དུ་ཐོན་པའི་བོད་མི་སྒེར་དང་། ཡང་ན། ཚོགས་པར་མ་དངུལ་གྱི་ཐད་རོགས་སྐྱོར་བྱེད་རྒྱུ་དེ་ཡིན།

བརྙན་པར་དང་སྐྱིད་སྡུག་རོགས་སྐྱོར་ལས་གཞི། གསར་འགྱུར་ལས་གཞི། རྩོམ་རིག་སྒྱུ་རྩལ། བུད་མེད་ཀྱི་གནད་དོན། ཁོར་ཡུག་སྲུང་སྐྱོབ་ཤེས་རྟོགས་ལས་གཞི་སོགས་ལེགས་སྤེལ་ཐད་འཆར་གཞི་ཡོད་ན་སྙན་ཞུ་འབུལ་ཆོག

སྒེ་ལེན་དང་སྦར་སྦ་ར་རོ་ཝེལ།

སྒེ་ལེན་དང་སྦར་སྦ་ར་རོ་ཝེལ།

རོ་ཝལ་བོད་ཆེད་ཐེབས་རྩ་ནི་སྐུ་གཤེགས་པོ་སྒེ་ལེན་དང་སྦར་སྦ་ར་རོ་ཝེལ་རྣམ་གཉིས་ཀྱི་དྲན་གསོ་ཆེད་བཙུགས་པ་ཞིག་ཡིན། ཁོང་རྣམ་གཉིས་ནི་བོད་ཀྱི་བློས་ཐུབ་གྲོགས་པོ་ཡིན། ༧གོང་ས་སྐྱབས་མགོན་ཆེན་པོ་མཆོག་གི་༼ངའི་བོད།༽ཅེས་པའི་དཔེ་དེབ་དེ་ཡང་ཁོང་ གཉིས་དང་མཉམ་འབྲེལ་གནང་ནས་པར་སྐྲུན་བྱས་པ་ཡིན། ཁོང་གཉིས་ཀྱིས་པར་དང་རྩོམ་བརྒྱུད་ནས་བོད་ཀྱི་མཛེས་སྡུག་དང་ཡ་ང་བའི་ཁོར་ཡུག་གནས་སྟངས་དང་རིག་གཞུང་སོགས་འཛམ་གླིང་གི་མི་མང་མང་པོར་ངོ་སྤྲོད་གནང་ཡོད། ཁོང་གཉིས་སྐོར་གྱི་གནས་ཚུལ་མང་བ་དྲ་ཚིགས་ལས་མཁྱེན་ཐུབ།

ཁོང་གཉིས་འདས་གྲོངས་རྗེས་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་ལྷན་ ཚོགས་དང་། ཁོང་གཉིས་ཀྱི་ནང་མི་མཛའ་གྲོགས་རྣམས་ནས་ཁོང་གཉིས་ཀྱི་དམིགས་འདུན་མཐའ་འཁྱོངས་བ་དང་དྲན་གསོའི་ཆེད་རོ་ཝལ་ཐེབས་རྩ་འདི་བཙུགས་པ་རེད། རོ་ཝལ་ཐེབས་རྩ་ལ་འཆར་གཞི་འབུལ་འདོད་ཡོད་མཁན་ཚོས་ ༢༠༡༤ ཟླ་ ༩ ཚེས་ ༡ ནས་ ༣༠ བར་དུ་གཤམ་གསལ་ཨི་མེལ་ལམ་སྦྲག་ཐོག་བརྒྱུད་ནས་སྙན་ཞུ་འབུལ་རོགས།

Rowell Fund for Tibet
International Campaign for Tibet
1825 Jefferson Place, NW
Washington, D.C. 20036
Email: rowellfund(at)savetibet.org

སྙན་ཞུ་རྣམས་རྒྱལ་སྤྱིའི་བོད་དོན་ལས་འགུལ་ཁང་དུ་ཝ་ཤིང་ཊོན་ཌི་སི་དུས་ཚོད་ ༢༠༡༤ ཟླ་ ༩ ཚེས་ ༣༠ མཚན་དཀྱིལ་གོང་འབྱོར་དགོས། སྙན་ཞུ་འབྱོར་བ་རྣམས་རྒྱལ་སྤྱིའི་བོད་དོན་ལས་འགུལ་ཁང་ནས་རོ་ཝེལ་ཐེབས་རྩའི་སློབ་སྟོན་ལྷན་ཚོགས་སུ་ཟླ་བ་ ༡༠ ནང་འདེམས་སྒྲུག་ཆེད་གཏོང་རྒྱུ་དང་། མ་དངུལ་རག་མིན་ཟླ་ ༡༢ ཟླ་སྟོད་དུ་གསལ་བསྒྲགས་གནང་རྒྱུ་དང་། མ་དངུལ་རྣམས་ཟླ་ ༡༢ དཀྱིལ་ཙམ་ལ་དོ་དག་སོ་སོར་གཏོང་རྒྱུ་རེད་། ཐེབས་རྩའི་སྒྲིག་གཞི་སོགས་ང་ཚོའི་དྲ་ཚིགས་ནས་མཁྱེན་ཐུབ་པས་དེ་ལུགས་ཐུགས་ཞིབ་གནང་རོགས།
རྒྱལ་སྤྱིའི་བོད་དོན་ལས་འགུལ་ཁང་ནས།

གསལ་བསྒྲགས་འདི་དབྱིན་ཡིག་ཐོག་འདི་ནས་གཟིགས་ཐུབ། རྒྱ་ཡིག་ཐོག་འདིར་གཟིགས།

བོད་ནང་རང་ལུས་མེར་བསྲེག་རྗེས་སུ་རྒྱ་ནག་གིས་ཁྲིམས་མཐུན་ལྟར་སྣང་སྒོ་ནས་བོད་མིར་དྲག་གནོན་ལས་གཞི་གསར་པ་ཞིག་ལག་ལེན་དུ་བསྟར་བ།

“གདུག་གནོད་ཚབ་ཆེན།” བོད་མིའི་རང་ལུས་མེར་བསྲེག་ནག་ཉེས་སུ་བསྒྱུར་བ།

 

prisoner-report-banner3

རྒྱ་ནག་དམར་ཤོག་ཚོགས་པས་བོད་མི་རང་ལུས་མེར་བསྲེག་གནང་བའི་ལན་དུ་དྲག་གནོན་ཤུགས་ ཆེ་རུ་བཏང་ནས་ཁྲིམས་མཐུན་ཡིན་ལྟར་སྣང་གི་སྒྲོམ་གཞི་འོག་ཁྲིམས་བཅད་དང་། ཁྲིམས་སའི་ཞིབ་དཔྱོད་མེད་པའི་ཐོག་བཀག་ཉར་། དེ་བཞིན་ཉུང་མཐའ་བོད་མི་༩༨གར་སོང་ཆ་མེད་དུ་འགྱུར་བའི་གནས་སྟངས་ཆགས།

རྒྱལ་སྤྱིའི་བོད་དོན་ལས་འགུལ་ཁང་གི་སྙན་ཐོས་རྒྱ་ནག་ནས་༢༠༡༢ཟླ་༡༢ནང་བོད་མིའི་རང་ ལུས་མེར་བསྲེག་གནད་དོན་དང་འབྲེལ་བའི་ལམ་སྟོན་རྗེས་ཆབ་སྲིད་ཐོག་བཙོན་འཇུག་ དང་། བོད་མི་ཞིག་ལ་སྲོག་ཐོག་ཁྲིམས་བཅོད། བོད་མི་མང་པོ་གར་སོང་ཆ་མེད་དུ་འགྱུར་ནས་ནང་མི་གཉེན་ཉེ་གྲོགས་པོ་སོགས་ནས་ ཁོང་རྣམས་འཆི་གསོན་ཡིན་མེད་ཧ་མ་གོ་བར་བདུན་ཕྲག་དང་ཟླ་བ་མང་པོ་ཕྱིན་པའི་གནས་ སྟངས་སུ་འགྱུར།

རྒྱལ་ སྤྱིའི་བོད་དོན་ལས་འགུལ་ཁང་གི་གཙོ་འཛིན་མེ་ཐི་ཡོ་མེ་ཁ་ཆི་ནས་བོད་མི་ཉེས་ མེད་པ་བཙོན་འཇུག་བྱུང་བའི་གནད་དོན་དེ་རིགས་ལ་འཛམ་གླིང་གི་སྲིད་གཞུང་རྣམས་ ནས་ཐུགས་སྣང་གནང་དགོས་གསུངས་པ་དང་། རྒྱ་ནག་གཞུང་ནས་ཁྲིམས་མཐུན་ལྟར་སྣང་གིས་བོད་ནང་ངོས་ལེན་བྱེད་མི་ཐུབ་པའི་ བོད་མི་ཡོངས་ལ་ཉེས་པ་བཏང་བ་དང་། རང་ལུས་མེར་བསྲེག་གནང་མཁན་གྱི་སྤུན་ཆེད་གཉེན་ཉེ་གྲོགས་པོ་སོགས་ལ་གཞི་མེད་ དངོས་ཡོད་གནས་ཚུལ་དང་མ་མཐུན་པའི་ཐོག་ནས་ཉེས་པ་བཏང་འདུག་གསུངས།

 སྙན་ཐོ་ནང་།

༢༠༡༢ལོའི་ ལམ་སྟོན་གཞི་གཟུང་བོད་མིར་རང་ལུས་མེར་བསྲེག་གནང་མཁན་ལ་མི་གསོད་མཁན་ཡིན་པའི་ ཁྲིམས་ཐག་བཅད། དེ་ཡང་ཁོང་ཚོས་རང་ལུས་མེར་བསྲེག་གནང་མཁན་ལ་ཤུགས་རྐྱེན་སྤྲོད་རྒྱུའི་ནུས་པ་ དང་འཆར་གཞི་ཡོད་པའི་ངོས་འཛིན་ཐོག་ནས་བྱེད།

ཉུང་མཐའ་བོད་མི་༡༥ལ་ཆེད་མངགས་མི་གསོད་མཁན་གྱི་ནག་ཉེས་ཐོག་བཙོན་འཇུག་བྱས་ཡོད་ ཞིང་། དེ་ཡང་ཁོང་ཚོས་རང་ལུས་མེར་བསྲེག་གཏོང་ཆེད་རོག་སྐྱོར་དང་བསྐུལ་མ་བྱེད་ཡོད་ པའི་སྐྱོན་འཛུགས། ཡིནའང་དེ་ཐོག་ཁྲིམས་མཐུན་འགྲོ་ལུགས་ཐོག་ནས་ནག་ཉེས་གཏན་འབེབས་བྱེད་ཡོད་པའི་ དཔང་རྟགས་མེད་པ།

༢༠༡༠ལོ་ ནས་ཉུང་ཐར་བོད་མི་༩༨ལ་ཁྲིམས་གཅོད་དམ། བཀག་ཉར། གར་སོང་ཆ་མེད་སོགས་བཟོས་པ། ཁོང་རྣམས་ལ་རང་ལུས་མེར་བསྲེག་བཏང་བ་དང་འབྲེལ་བ་ཡོད་པའི་སྐྱོན་འཛུགས་བྱེད་ ཡོད།

རྒྱ་ནག་དབང་འཛིན་བས་༢༠༡༣ཟླ་བ་བཞི་པར་གཏན་འབེབས་བྱེད་པའི་སྒྲིག་གཞི་འོག་བོད་མི་ ཞིག་ནས་རང་ལུས་མེར་བསྲེག་གནང་སྐབས་དེའི་ནང་མི་དང་རྒྱ་་ཆེ་བའི་སྤྱི་ཚོགས་ལ་ ཉེས་ཆད་གཏོང་གི་ཡོད་།

རྒྱལ་སྤྱི་དང་རྒྱ་ནག་གི་ཁྲིམས་ལུགས་དང་མི་མཐུན་པའི་གནད་དོན་འདི་ཚོའ་ཐོག་རྒྱལ་སྤྱིའི་བོད་དོན་ལས་འགུལ་ཁང་ནས་འབོད་བསྐུལ་གཤམ་གསལ།

རྒྱ་ནག་གཞུང་ནས་རང་ལུས་མེར་བསྲེག་གནང་མཁན་དང་འབྲེལ་བ་ཡོད་ལུགས་དང་། ཁོང་རྣམས་ལ་རོགས་སྐྱོར་རམ་བསྐུལ་མ་བྱེད་ཡོད་ལུགས་ཐོག་ནས་འཛིན་བཟུང་བྱས་པ་ རྣམས་གློད་གྲོལ་དགོས་པ་དང་།གར་སོང་ཆ་མེད་རྣམས་གར་ཡོད་གསུངས་དགོས་པ། ནང་མི་དང་སྤྱི་ཚོགས་ཡོངས་ལ་ཉེས་ཆད་གཏོང་རྒྱུ་མེད་པ་བཟོ་དགོས།

རྒྱལ་སྤྱིའི་སྤྱི་ཚོགས་ནས་རྒྱ་ནག་གི་དཔོན་རིགས་རྣམས་ལ་གནས་སྟངས་འདི་རིགས་རྒྱལ་ སྤྱི་དང་རྒྱ་ནག་གི་འབྲེལ་ཡོད་ཁྲིམས་དང་མི་མཐུན་པ་ཡོད་པ་དེ་གསུངས་དགོས།

རྒྱ་ནག་གཞུང་ནས་བོད་མིའི་གདུང་འབོད་ཀྱི་གཞི་རྩར་གཟིགས་ཞིབ་གནང་ནས་ཁོང་ཚོའི་ སྤྱི་ལ་ཁྱབ་པའི་ཐོབ་ཐང་་ལ་བརྩི་བཀུར་གནང་བ་དང་། བོད་མི་ལྷན་དོན་སྙིང་ལྡན་པའི་གྲོས་མོལ་གནང་དགོས།

 

 

རྒྱ་རིགས་རྩོམ་པ་པོ་དང་དམངས་གཙོ་དོན་གཉེར་ཅན་ནས་རྒྱ་ནག་ནང་བོད་དོན་ཐོག་ལས་འགུལ་ཕྱོཊ་ཐོག་གླེང་མོལ།

 

MM July 2014 Chinese Roundtable

 

༢༠༡༤ཟླ་༧ཚེས་༡༧ཉིན་རྒྱལ་སྤྱིའི་བོད་དོན་ལས་འགུལ་ཁང་ནས་རྒྱ་རིགས་རྩོམ་པ་པོ་དང་དམངས་གཙོ་དོན་གཉེར་མི་སྣ་༡༥གདན་ཞུས་ནས་རྒྱ་ནག་ནང་བོད་དོན་ཐོག་ལས་འགུལ་ཤུགས་ཆེ་རུ་གཏོང་ཐབས་སྐོར་གླེང་མོལ་ཞིག་གོ་སྒྲིག་གནང་།  ཚོགས་འདུ་ནང་ཁོང་རྣམས་ནས་དེང་སང་རྒྱ་ནག་ནང་རྒྱ་རིགས་ཚོས་བོད་དོན་ཐོག་གོ་རྟོགས་ཀྱི་གནས་བབས་ཐོག་བསྐྱར་ཞིབ་གནང་ཞིང་། རྒྱ་རིགས་དམངས་གཙོ་དོན་གཉེར་བ་ཚོས་ད་ཡོད་རྒྱ་ནག་གི་ཁྲིམས་དང་འཛིན་སྐྱོང་གི་སྒྲིག་གཞི་སོགས་བརྒྱུད་བོད་མིའི་སྤྱི་ཚོགས་དང་། ཁོར་ཡུག ཁྲིམས་ལུཊ། ཆབ་སྲིད་སོགས་ཀྱི་བདེ་སྡུག་ཐོག་གཟིགས་ཐུབ་རྒྱུའི་ཐོག་གྲོས་བསྡུར་གནང་།

ཁོང་རྣམས་ནས་རྒྱ་ནག་གཞུང་ནས་དབུ་མའི་ལམ་བརྒྱུད་བོད་དོན་སེལ་རྒྱུ་དང་བོད་ཆེན་པོ་ཟེར་བ་སོགས་ཁྱོག་བཤད་བྱེད་པར་རྒོལ་ལན་བྱེད་རྒྱུའི་ཐབས་ལམ་བཀའ་བསྡུར་གནང་། ཁོང་ཚོས་བརྗོད་གསལ་ལ་གལ་ཏེ་རྒྱ་ནག་གི་མི་མང་རྣམས་ལ་དབུ་མའི་ལམ་གྱི་གོ་རྟོགས་ཡང་དག་པ་སྤྲད་པའི་གོ་སྐབས་བྱུང་ན་ཁོང་ཚོས་དེར་རྒྱབ་སྐྱོར་ཡོང་གི་ཡོད པའི་ཡིད་ཆེས་གནང་།

ཁོང་ཚོས་ད་ཡོད་རྒྱ་སྐད་ཐོག་བོད་སྐོར་ཡིག་ཆ་ལ་སོགས་ཚང་མ་མཉམ་རུབ་བྱེད་ཐུབ་ན་དགེ་མཚན་ཡོད་པ་དང་། དེས་ཕན་ཚུན་གྲོས་བསྡུར་དང་གནས་ཚུལ་བརྗེ་ལེན་སོགས་བརྒྱུད་རྒྱ་རིགས་ཚོར་བོད་སྐོར་གནས་ཚུལ་ཡང་དག་པ་ཁོ་སྤྲོད་བྱེད་ཐུབ་པ་གཟིགས།

July 17 2014 Chinese Meeting Group Pic

གླེང་མོལ་དེར་མཉམ་ཞུགས་གནང་མཁན་ནི་ཀྲང་པོ་ཧྲུའུ་དང་། ཧུ་ཕིང་། ལི་ཅང་ལིན། ཏིང་ཨི་ཕུ། ཁྲེན་པོ་ཁོང་། ཡང་ཅན་ལི། ཧན་ལིན་ཁྲོ། ཞ་ཡེ་ལང་། ཞ་མིང་། གོ་ཁྲེན་ཤའོ། པེའི་ཕིང་། ཆིང་ཝེ་ཕིང་། མིང་ལང་། ཁྲེང་ཁུའི་ཏེ། ལི་ཝེ་ཏོང་ཡིན།
བོད་མི་མཉམ་ཞུགས་གནང་མཁན་ནི་བོད་ཀྱི་དོན་གཅོད་ཁང་ནས་ཀུན་དགའ་བཀྲིས་ལཊ་དང་། རྒྱལ་སྤྱིའི་བོད་དོན་ལས་འགུལ་ཁང་ནས་རིན་ཆེན་བཀྲིས་ལཊ། པད་མ་དབང་རྒྱལ་ལཊ། བསྟན་ཆོས་རྒྱ་མཚོ་ལཊ།  བུ་ཆུང་ཚེ་རིང་ལགས་ཡིན།

རྒྱལ་སྤྱིའི་བོད་དོན་ལས་འགུལ་ཁང་གི་གཙོ་འཛིན་མེ་ཐི་ཡོ་མེ་ཁ་ཆི་ནས་ཚོགས་འདུ་བ་ཚོར་འཚམས་འདྲིའི་གསུང་བཤད་གནང་སྐབས་ང་ཚོའི་ལས་ཁུངས་ནས་རྒྱ་རིགས་ཚོ་དང་འབྲེལ་བའི་ལས་དོན་དེ་གལ་ཆེན་པོ་བརྩིས་ཀྱི་ཡོད་པ་དང་དེ་ཐོག་ནུས་ཤུགས་གང་ཐུབ་སྤེལ་རྒྱུ་ཡིན་པ་གསུངས།

གླེང་མོལ་གྲུབ་རྗེས་བོད་ཀྱི་དོན་གཅོད་ཁང་ནས་ཚོགས་མི་ཚོར་གསོལ་སྟོན་གཤམས་གནང་བ་དང་སྐུ་ཚབ་དོན་གཅོན་དབུ་དཀར་ཚང་སྐལ་རྡོར་ལགས་ནས་ལས་ཁུངས་ཀྱི་ཕྱག་ལས་ཁོང་རྣམས་ལ་ ངོ་སྤྲོད་གནང་བ་རེད།

 

« Previous Entries Next Entries »

Powered by Wordpress | Designed by Elegant Themes