རྒྱལ་སྤྱིའི་བོད་དོན་ལས་འགུལ་ཁང་།

རྩོམ་པ་པོ་འོད་ཟེར་གྱིས་བྲིས་པའི་དོལ་རྒྱལ་སྐོར་གྱི་བསམ་ཚུལ།

རྩོམ་པ་པོ་འོད་ཟེར་གྱིས་བྲིས་པའི་དོལ་རྒྱལ་སྐོར་གྱི་བསམ་ཚུལ།

 

བོད་ཀྱི་བང་ཆེན་ ༢༠༡༤ ཟླ་བ་ ༥ ཚེས ༡༣ དུས་ཚོད ༥:༡༥༠ ཕྱི་དྲོ།

 

ཏྲེ་ཧོར་ཐུབ་བསྟན་གྱིས་བསྒྱུར།

 

དོལ་རྒྱལ་གནད་དོན་ལ་རྒྱ་ནག་གཞུང་གིས་མངོན་ལྐོག་གཉིས་ནས་ཐེ་གཏོགས་ཤུགས་ཆེན་བྱེད་བཞིན་ཡོད་པར་བརྟེན། སྔར་ནས་ཆོས་ལུགས་ནང་ཁུལ་གྱི་གནད་དོན་གཅིག་པུ་ཞིག་མིན་པར། ཆབ་སྲིད་ཀྱི་གནད་དོན་ཞིག་ཏུ་གྱུར་ཡོད། བལྟས་ཚོད་ལ་བོད་བརྒྱུད་ནང་བསྟན་གྱི་ཆོས་ལུགས་དད་མོས་རང་དབང་རྩོད་ལེན་བྱེད་བཞིན་པ་ལྟ་བུའི་ནུབ་ཕྱོགས་ཀྱི་དོལ་རྒྱལ་རྗེས་འབྲང་པ་དག་གིས། དུས་ནམ་ཡང་བོད་མིའི་བསམ་བློ་ལ་རྒྱུས་ལོན་བྱ་ཐབས་བྲལ་བ་མ་ཟད། དུས་གཏན་དུ་བོད་མིའི་བསམ་བློའི་འཇིག་རྟེན་མཐོང་མི་ཐུབ། དྲང་པོར་བཤད་ན། ཁོང་ཚོས་འཁྲབ་སྟོན་ཞིག་བྱེད་བཞིན་པ་དང་ཧ་ཅང་མཚུངས། བོད་ལ་རྒྱལ་སྤྱིའི་རྒྱབ་སྐྱོར་དགོས་མཁོ་ཡོད་ནའང་། བོད་མི་ལས་ལྷག་པའི་བོད་ལ་རྒྱུས་མངའ་ཡོད་མདོག་བྱེད་མཁན་དག་གིས་ང་ཚོའི་ཆེད་དུ་རྐང་བརྡ་ལག་བརྡ་བྱེད་དགོས་དོན་མེད། མི་དེ་དག་གིས་བོད་བརྒྱུད་ནང་བསྟན་གྱི་མིང་ཐོག་ནས་བོད་ལ་དཀའ་སྡུག་མི་སྟེར་བ་དང་། བོད་བརྒྱུད་ནང་བསྟན་གྱི་མིང་ཐོག་ནས་དུས་ཚོད་དེ་ལྟར་མང་པོ་ཞིག་བཏང་སྟེ་བོད་ཀྱི་གནད་དོན་ལ་ཐེ་བྱུས་མི་བྱེད་པའི་རེ་བ་ཡོད། རང་སྣང་མཐོ་བའི་ཆོས་ལུགས་རྫུན་མ་ཞིག་གི་ཚོར་བའི་ནང་དུ་ཐིམ་ཏེ། མི་སེར་སྤེལ་བའི་དྲག་པོའི་དབང་ཤུགས་ཀྱིས་བོད་ལ་ཁ་གཏད་པའི་མདེའུ་ཞིག་ཏུ་གྱུར་མི་རུང་།

 

རང་ཉིད་བོད་མི་ཞིག་ཡིན་པའི་ངོས་ནས། བོད་ཕྱི་ལོགས་སུ་ཡོད་པའི་བཙན་བྱོལ་བོད་མི་ཡིན་ནའང་འདྲ། བོད་ནང་དུ་ཡོད་པའི་རང་དབང་མེད་པའི་བོད་མི་ཡིན་ཡང་རུང་། འདི་ལྟ་བུའི་བོད་ཀྱི་སྲོལ་རྒྱུན་གྱི་སྤྱི་ཚོགས་རྙིང་པའི་གནད་དོན་ཞིག་ལ་གདོང་ལེན་བྱེད་སྐབས། དེའི་ཁྲོད་ཀྱི་རྙོག་འཛིང་ཆེ་བའི་རྒྱུ་རྐྱེན་ངོ་ཤེས་དགོས། རྒྱལ་ཁབ་ཆེན་པོ་དང་མི་ཆུང་ངུ་མཉམ་དུ་བསྲེས་པ་དང་། ཆབ་སྲིད་དང་སྒེར་དོན། བརྒྱུད་བསྒྲགས་དང་གསང་བ། དྲག་ཤུགས་དང་ཉེས་འཛུགས། ཉོ་བསླུ་དང་རྒྱབ་འགལ་སོགས་ཀྱི་གཡོ་ཇུས་ལམ་ནས། དོལ་རྒྱལ་ཤོག་ཁག་གིས་སྐད་ཅོར་ཆེན་པོས་༧གོང་ས་མཆོག་ལ་སྐྱོན་འཛུགས་བྱེད་བཞིན་ཡོད། གལ་སྲིད་བོད་མི་ཁོང་ཁྲོ་ལངས་པའི་བྱེད་སྟངས་ཐོག་ནས་དོལ་རྒྱལ་ཤོག་ཁག་ལ་དམའ་འབེབས། དཔེར་ན་མཆིལ་མ་འཕེན་པ་དང་། ཅ་ལག་གཡུགས་པ་སོགས་བྱེད་ན། ཕན་ཐོགས་པ་ཕར་བཞག དེ་ལས་ལྡོག་ཏེ་བོད་ཀྱི་མཚན་སྙན་ལ་གནོད་སྲིད། དོལ་རྒྱལ་ཤོག་ཁག་གིས་འཁྲབ་སྟོན་བྱེད་སའི་སྡིངས་ཆ་འདི་ལྟ་བུ་ལ། རབ་ཏུ་བྱུང་ན་ཁ་ཡ་མ་བྱས་ན་བཟང་། གང་ཞིག་བཤད་དང་འཁྲབ་མིན་ལ་མ་ལྟོས་པར་གང་འདོད་ལྟར་ཁོང་ཚོའི་མགྲིན་པ་མ་ན་བར་དུ་འབོད་བཅུག་དགོས། གལ་སྲིད་ཁོང་ཁྲོའི་རྣམ་པའི་ཐོག་ནས་ཚོར་བའི་ལམ་དུ་སོང་བ་ཡིན་ན། ཁོང་ཚོའི་མིག་དབང་འདྲེན་པའི་གོ་སྐབས་འཕར་མ་ཞིག་སྤྲད་པ་དང་མཚུངས།

 

མདོར་བསྡུས་ནས་བཤད་ན། ངའི་སྤུན་ཟླ་ཚོ། བློ་སེམས་རྣལ་དུ་ཕབ་ཏེ། དུས་རབས་ཉེར་གཅིག་པའི་སའི་གོ་ལའི་རང་བཞིན་གྱི་བྱེད་ཐབས་ལ་བརྟེན་ནས། རྟོག་དཔྱོད་དང་ལྡན་པའི་སྒོ་ནས་དངོས་ཡོད་ཀྱི་བདེན་དཔང་ལ་ཁུངས་གཏུགས་ཏེ། རྒྱུ་མཚན་དང་ལྡན་པའི་དངོས་ཡོད་གནས་ཚུལ་རེ་རེ་བཞིན་སྟོན་རོགས་གནང་། མང་གཙོའི་ཐོག་ནས། ཡོངས་གྲགས་ཐོག་དོལ་རྒྱལ་གྱི་རྒྱབ་ཏུ་སྦས་ཡོད་པའི་གསང་བ་ཕྱིར་བསྒྲགས་དགོས། བོད་ཀྱི་ཧ་ལས་པའི་གཡོ་ཇུས་ཤིག་དངོས་སུ་ཁྱུར་མིད་གཏོང་བཞིན་ཡོད།།

 

ཕ་རན་སི་དང་འཇར་མ་ནི་མང་ཚོགས་ཀྱིས་བོད་ཐོག་རྒྱབ་སྐྱོར་ཆེན་པོ་ཡོད་པའི་བསམ་ཚུལ།

༅། །རྒྱ་ནག་གི་སྲིད་འཛིན་ཞི་ཅིན་ཕིང་ཡུ་རོབ་གྱི་རྒྱལ་ཁབ་འགའ་ཞིག་ལ་གཞུང་འབྲེལ་སྐོར་བསྐྱོད་བྱེད་སྐབས་དང་བསྟུན་ཕ་རན་སི་དང་འཇར་མ་ནི་མང་ཚོགས་ཀྱིས་བོད་དང་རྒྱ་ནག་ཐོག་དགོངས་ཚུལ་གྱི་བསམ་ཚུལ་བསྡུ་ལེན་ལས་འགུལ་ཞིག་རྒྱལ་སྤྱིའི་བོད་དོན་ལས་འགུལ་ཁང་གིས་གོ་སྒྲིག་གནང་ཡོད།
ཕ་རན་སི་མང་ཚོགས་བརྒྱ་ཆ་ ༩༠ དང་འཇར་མ་ནི་མང་ཚོགས་བརྒྱ་ཆ་ ༩༢ ནས་བོད་རྒྱའི་གནད་དོན་སེལ་ཆེད་ཏཱ་ལའི་བླ་མ་མཆོག་དང་རྒྱ་ནག་གི་སྲིད་འཛིན་ཞི་ཅིན་ཕིང་གཉིས་མཇལ་འཕྲད་གནང་དགོས་པའི་རེ་འདུན་བཏོན་ཡོད། ཕྱོགས་མཚུངས་འོས་བསྡུའི་བསམ་འཆར་ནང་ཐེངས་འདིར་ཡུལ་གྲུ་གཉིས་པོའི་དབུ་ཁྲིད་རྣམ་གཉིས་ཀྱིས་རྒྱ་ནག་སྲིད་འཛིན་དང་མཇལ་འཕྲད་སྐབས་འགྲོ་བ་མིའི་ཐོབ་ཐང་གི་གནས་སྟངས་དང་། བོད་ཀྱི་གནད་དོན་སྐོར་གླེང་དགོས་པའི་བསམ་འཆར་བཏོན་ཡོད།
བསམ་ཚུལ་བསྡུ་ལེན་ལས་འཆར་དེ་སྤེལ་གནང་མཁན་ནི་ཕ་རན་སིའི་French Institute of Public Opinion (IFOP) ལོ་ཚོགས་པ་ཡིན་ཞིང་། དེས་ ༢༠༡༤ ཟླ་ ༣ ཚེས་ ༡༠ ནས་ ༡༤ བསམ་ཚུལ་བསྡུ་ལེན་བྱེད་ཡོད

རྒྱལ་སྤྱིའི་བོད་དོན་ལས་འགུལ་ཁང་གི་གཙོ་འཛིན་སྐུ་ཞབས་མེ་ཊི་ཡོ་མེ་ཁ་ཅི་ Matteo Mecacci མཆོག་གིས་གསུང་དོན། ཕ་རན་སི་དང་འཇར་མ་ནི་མང་ཚོགས་ཀྱི་བསམ་འཆར་བསྡུ་ལེན་སྐབས་བསམ་འཆར་བརྒྱ་ཆ་ཧ་ཅང་ཚད་མཐོ་པོའི་ཐོག་ནས་རྒྱ་ནག་ནང་ཚོང་འབྲེལ་ལས་འགྲོ་བ་མིའི་ཐོབ་ཐང་གནད་དོན་དེ་གལ་ཆེ་འཛིན་དགོས་པ་དང་། བོད་མིའི་འགྲོ་བ་མིའི་ཐོབ་ཐང་གི་གནད་སྟངས་ལ་སེམས་འཚབ་ཀྱི་རྣམ་པ་གསལ་སྟོན་བྱས་ཡོད་པ་མ་ཟད། ཡུལ་གཉིས་ཀྱི་དབུ་ཁྲིད་ནས་ཏཱ་ལའི་བླ་མ་མཆོག་གཞུང་འབྲེལ་ཐོག་གདན་འདྲེན་ཞུ་དགོས་པའི་རེ་འདུན་ཡང་བཏོན་ཡོད། གཤམ་དུ་བསམ་ཚུལ་བསྡུ་ལེན་སྐབས་དྲི་བ་དང་ལན་ཕྱོཊ་བསྡུས་བྱེད་པ་རྣམས་བཀོད་ཡོད། དབྱིན་ཡིག་ཐོག་གཟིཊ་ན་འདིར་ཡོད།

ཕ་རན་སི་དང་འཇར་མ་ནི་གཙོ་འཛིན་ནས་སྲིད་འཛིན་ཞི་ཅིན་ཕིང་ལ་གཤམ་གྱི་གནད་དོན་གླེང་དགོས་སམ།

Slide 4

ཕ་རན་སི་དང་འཇར་མ་ནི་གཙོ་འཛིན་ནས་སྲིད་འཛིན་ཞི་ཅིན་ཕིང་ལ་གཤམ་གྱི་གནད་དོན་གླེང་དགོས་སམ།

slide-5

རྒྱ་ནག་གི་འགོ་ཁྲིད་ཚོའི་ཐོག་གཟིཊ་ཚུལ་ཡག་ཉེས་གང་ཡོད་དམ།

slide-6

བོད་ནང་གི་འགྲོ་བ་མིའི་ཐོབ་ཐང་གནས་སྟངས་ཡག་ཉེས་གང་འདྲ་གཟིགས་སམ།

slide-8

ཏཱ་ལའི་བླ་མ་མཆོག་ཐོག་ཁྱེད་ཀྱི་གཟིཊ་ཚུལ་ཡག་ཉེས་གང་ཡོད་དམ།

 

slide-9x

 

ཕ་རན་སི་དང་འཇར་མ་ནི་གཉིས་ཀྱི་དབུ་ཁྲིད་ནས་ཏཱ་ལའི་བླ་མ་མཆོག་གཞུང་འབྲེལ་ཐོག་གདན་འདྲེན་ཞུ་དགོས་སམ།

 

slide-10

 

ཏཱ་ལའི་བླ་མ་མཆོག་དང་རྒྱ་ནག་གི་སྲིད་འཛིན་ཞི་ཅིན་ཕིང་གཉིས་མཇལ་འཕྲད་གནང་དགོས་སམ།

slide-11x

 

ཨ་རིའི་སྲིད་འཛིན་གྱི་ལྕམ་མི་ཤལ་ཨོ་བྷ་མ་རྒྱ་ནག་ནང་ཕེབས་པའི་སྐོར།

ལྕམ་མི་ཤལ་ཨོ་བྷ་མ་ཁྲིན་ཏུར་བོད་ཀྱི་ཟ་ཁང་ཞིག་ལ་ཕེབས་སྐབས། www.whitehouse.gov

ལྕམ་མི་ཤལ་ཨོ་བྷ་མ་ཁྲིན་ཏུར་བོད་ཀྱི་ཟ་ཁང་ཞིག་ལ་ཕེབས་སྐབས། www.whitehouse.gov

ཨ་རིའི་སྲིད་འཛིན་ཨོ་བྷ་མའི་ལྕམ་མི་ཤལ་ཨོ་བྷ་མ་རྒྱ་ནག་ནང་ཟླ་༣ཚེས་༢༠ནས་༢༦ བར་ཕེབས་སྐབས་བོད་མིར་སྐད་གཉིས་སློབ་སྦྱོང་བྱེད་རྒྱུའི་གནས་སྟངས་ཐོག་ཐུཊ་སྣང་གནང་རྒྱུའི་འབོད་སྐུལ་རྒྱལ་སྤྱིའི་བོད་དོན་ལས་འགུལ་ཁང་གིས་ཞུ་གནང་ཡོད

སི་ཁྲོན་ཁྲིན་ཏུའུ་གཙོས་གྲོང་ཁྱེར་ཁག་ཅིག་ནང་ཕྲུག་གུའི་ཤེས་ཡོན་སློབ་གསོའི་ལམ་ལུགས་ཐད་རྟོག་ཞིབ་གནང་འཆར་ཡོད་སྟབས། ལྕམ་ཨོ་བྷ་མར་རྒྱལ་སྤྱིའི་བོད་དོན་ལས་འགུལ་ཁང་གི་གཙོ་འཛིན་མེ་ཊི་ཡོ་མེ་ཁ་ཆི་ཡིས་ཕུལ་བའི་གནས་བྲིས་ནང་། ལྕམ་མཆོག་གིས་རྒྱ་ནག་ནང་ཤེས་ཡོན་སློབ་གསོའི་ཐད་དམིགས་བསལ་ཐུགས་འཁུར་གནང་རྒྱུ་ཡིན་གསུངས་པར་ཐུགས་རྗེ་ཆེ་ཞུ་བ་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ནང་སྐད་ཡིག་གཉིས་སྦྱོད་མཁན་ལ་འཕྲད་པའི་དཀའ་ངལ་ཐད་ཐུགས་སྣང་གནང་དགོས་པ་དང་། ལྷག་པར་སི་ཁྲོན་ཞིང་ཆེན་ནང་བོད་མི་གང་ཙམ་གནས་སྡོད་བྱེད་ཀྱི་ཡོད་པས་བོད་པའི་སློབ་ཕྲུག་ཚོར་རང་མི་རིགས་ཀྱི་སྐད་ཡིག་དང་རྒྱ་ཡིག་གཉིས་ཀ་སྦྱོང་རྒྱུའི་ཐོབ་ཐང་ཡོད་མེད། མི་རིགས་རང་གི་སྐད་ཡིག་སྦྱོང་སྤྱོད་སྤེལ་གསུམ་བྱ་རྒྱུའི་མཐུན་རྐྱེན་ཡོད་མེད་ཐད་རྟོག་ཞིབ་ནན་པོ་གནང་རྒྱུའི་འབོད་སྐུལ་ཞུས།
ལྕམ་ཨོ་བྷ་མ་ནས་ཚེས་༢༦ཉིན་སི་ཁྲོན་ཞིང་ཆེན་གྱི་ཁྲིན་ཏུ་གྲོང་ཁྱེར་དུ་གཟིགས་སྐོར་སྐབས་དེར་ཡོད་བོད་རང་སྐྱོང་ལྗོངས་ཀྱི་མགྲོན་ཁང་ཞིག་ནང་བོད་ཟས་ཀྱང་བཞེས་གནང་ཡོད། དེ་སྐོར་ཕོ་བྲང་དཀར་པོའི་དྲ་ཚིཊ་ཐོག་ཁོང་ནས་ཟིན་བྲིས་ཞིག་ཀྱང་བཀོད་གནང་འདུག

རྒྱ་ནག་ནང་པེ་ཅིང་དང་ཁྲིན་ཏུར་སློབ་ཕྲུག་ཚོར་གསུངས་བཤད་གནང་སྐབས་ལྕམ་ཨོ་བྷ་མས་སྨྲ་བརྗོད་རང་དབང་དང་། ཆོས་དད་རང་དབང་། མི་རིགས་ཀྱི་རིག་གཞུང་གལ་ཆེ་ཡིན་སྐོར་གསུངས་གནང་བ་དེར་རྒྱ་ནག་ནང་ཐུགས་སྣང་ཆེན་པོ་བྱུང་འདུག

« Previous Entries Next Entries »

Powered by Wordpress | Designed by Elegant Themes