རྒྱལ་སྤྱིའི་བོད་དོན་ལས་འགུལ་ཁང་།

རྒྱ་ནག་གིས་བོད་དན་ཐོག་གདུག་རྩུབ་ཅན་གྱི་སྲིད་བྱུས་ལ་མཚམས་འཇོག་དགོས་པའི་ཨ་རིའི་གྲོས་ཚོགས་ཀྱི་གྲོས་ཆོད།

༄༅༎ཨ་མེ་རི་ཀའི་གྲོས་ཚོགས་གོང་མས་རྒྱ་ནག་གཞུང་ལ་བོད་མིའི་ཐོག་འཛིན་པའི་གདུག་རྩུབ་ཅན་གྱི་སྲིད་བྱུས་དེ་མཚམས་འཇོག་དགོས་པ་དང་། བོད་མིའི་ཁྲིམས་མཐུན་འདོད་དོན་ལ་དགོངས་བཞེས་གནང་དགོས་པ། ༧གོང་ས་མཆོག་གི་སྐུ་ཚབ་ལྷན་གྲོས་མོལ་མུ་མཐུད་དགོས་པ། བོད་ནང་ཕྱི་རྒྱལ་གཞུང་ཚབ་ལས་བྱེད་དང་གསར་འགོད་པར་དམ་བསྒྲགས་མེད་པའི་ཐོག་ནས་བསྐྱོད་ཆོག་དགོས་སྐོར་གྱི་གྲོས་ཆོད་ཞིག་ཟླ་༣ཚེས་༢༩ཉིན་སྤྱི་མོས་ཐོག་བཞག་གནང་ཡོད་པ་རེད།
གྲོས་ཆོད་༼S.Res ༣༥༦༽དེའི་གྲོས་འཆར་་གྲོས་ཚོགས་གོང་མའི་ཕྱི་འབྲེལ་ཚོགས་ཆུང་ནང་འཐུས་མི་ལྕམ་ཌཡེན་ཕའེན་སི་ཀྲའེན་(Senator Dianne Feinstein) གྱིས་བཏོན་གནང་བ་དང་ངོ་སྤྲོད་གནང་མཁན་ནང་དམངས་གཙོ་ཚོཌ་པ་དང་སྤྱི་མཐུན་ཚོཌ་པ་གཉིས་ཀའི་འཐུས་མི་ཡོད།

ཨ་རིའི་གྲོས་ཚོགས་ཀྱི་ལས་རྟགས།

ཨ་རིའི་གྲོས་ཚོགས་ཀྱི་ལས་རྟགས།

གྲོས་ཆོད་དེས་བོད་ནང་ཚེ་སྲོག་ཤོར་བའི་བོད་མི་ཚོར་མྱ་ངན་དང་། རྒྱ་ནག་གཞུང་གིས་བོད་ནང་དྲག་རྩུབ་ཆེ་བའི་སྲིད་བྱུས་ལག་བསྟར་བྱེད་བཞིན་ཡོད་པར་སྐྱོན་འཛུགས།
༧གོང་ས་མཆོག་གི་སྐུ་ཚབ་ལྷན་རྒྱ་ནག་གཞུང་ནས་གྲོས་མོལ་མུ་མཐུད་དགོས་པའི་འབོད་སྐུལ་གནང་ཡོད།

དེ་བཞིན་བཙོན་འཇུག་བྱས་པའི་བོད་མི་ཡོངས་རྫོགས་གློད་བཀྲོལ་གཏོང་དགོས་པ་དང་། རྒྱ་ནག་གཞུང་གིས་ཀིརྟི་དགོན་པ་ནས་བཙན་འཁྲིད་བྱས་པའི་དགེ་འདུན་པ་ཚོ་གར་ཡོད་གསལ་བཏོན་བྱ་རྒྱུ་དང་། ཕྱི་རྒྱལ་གྱི་གསར་འགོད་པ་དང་ཕྱི་འབྲེལ་ལས་བྱེད་ཁག་བོད་ཁུལ་དམ་བསྒྲགས་མེད་པའི་ཐོག་བསྐྱོད་ཆོག་པའི་ཆོག་མཆན་སྤྲོད་དགོས་རྒྱུའི་འབོད་སྐུལ་གནང་འདུག་ ཡང་ཨ་རི་ཕྱི་སྲིད་ལས་ཁུངས་ནས་ལྷ་སའི་ནང་ཨ་རིའི་གཞུང་ཚབ་ཡན་ལག་ཁང་ཞིག་བཙུགས་དགོས་པ་དང་དེ་ལྟར་རྒྱ་ནག་གཞུང་ནས་བཙུགས་མ་བཅུགས་ཀྱི་བར་དུ་ཨ་རིའི་ནང་རྒྱ་ནག་གཞུང་ཚབ་ཀྱི་ཡན་ལག་ལས་ཁང་གསར་པ་གཅིག་ཀྱང་འཛུགས་རྒྱུའི་ཆོག་མཆན་མི་གནང་བའི་འབོད་སྐུལ་གནང་ཡོད་པ་རེད།
རྒྱལ་སྤྱིའི་བོད་དོན་ལས་འགུལ་ཁང་གི་གྲོས་ཚོགས་སུ་འབྲེལ་བ་གནང་མཁན་གྱི་འགན་འཛིན་ཊོཌ་སྚཡེན་(Todd Stein) ནས་གྲོས་ཆོད་དེ་ནི་ཨ་རིའི་གྲོས་ཚོཌ་ངོས་ནས་རྒྱ་ནག་གིས་བོད་མིའི་ཁྲིམས་མཐུན་འདོད་དོན་ཐོག་དོན་སྙིང་ལྡན་པའི་བྱ་བ་སྤེལ་དགོས་པའི་ཐུགས་རེ་གསལ་པོ་བཟོ་ཡོད་པ་རེད་གསུངས།
གྲོས་ཆོད་དེ་སྐོར་དབྱིན་ཡིག་ནང་འདིར་གཟིགས
ཡང་ཚེས་༢༩ཉིན་ཨ་མེ་རི་ཀའི་གྲོས་ཚོཌ་འོག་མའི་ནང་གོང་གསལ་དང་འདྲ་བའི་བོད་ཐོག་གྲོས་ཆོད་གྲོས་འཆར་༼H.Res.༦༠༩༽ཞིག་འཐུས་མི་འཇེམ་སི་སེན་སེན་སྦེརེ་ཎར་(James Sensenbrenner)དང་འཇོར་ཇེ་མི་ལར་(George Miller)གཉིས་ནས་བཏོན་གནང་ཡོད།

If you are interested in colon cleanse, you may want to check out this colon cleanse information page which will have all the free information you'll need about colon cleanse.

Leave a Reply

Powered by Wordpress | Designed by Elegant Themes